میں اکثر سوچتی تھی کہ جب اللہ تعالیٰ کسی انسان پر اس کی سکت سے زیادہ بوجھ نہیں ڈالتا تو پھر اکثر ایسے لمحات ہماری زندگیوں میں کیوں آتے ہیں جب انسان تھک کر ٹوٹ جاتا ہے دل تکلیف اور اذیت سے بھر جاتا ہے آنکھیں امید کی بینائی سے محروم ہو جاتی ہیں زندگی کی تمام تر رنگینیاں ختم ہو جاتی ہیں اور انسان کو اپنا آپ کسی بوجھ جیسا لگنے لگتا ہے جب اس نے کوئی شے ہمارے لیے بنائی ہی نہیں ہوتی تو وہ کیوں ہمیں اس کی چاہت میں مبتلا کرتا ہے؟ لیکن اب مجھے سمجھ آ گئی ہے کہ ایسا کیوں ہوتا ہے اللہ اپنے خاص بندوں کو چننے کے لیے ان پر آزمائش بھیجتا ہے وہ اپنے خالص بندوں کو الگ کر لینا چاہتا ہےدوسروں سے وہ دیکھنا چاہتا ہے کہ کون اس کی محبت میں صبر کے آخری پیمانے تک جا پہنچتا ہے کون سخت اذیت اور تکلیف میں بھی اس کی رسی کو مضبوطی سے تھامے رکھتا ہے کون اس کی چاہت کے لیے اپنی چاہت تک قربان کر دینے کا حوصلہ رکھتا ہے کہ آزمائش محبت ہی کا پیمانہ ہے اور پھر جو لوگ اپنے اللہ تعالیٰ کی چاہت کے لیے اپنی چاہت قربان کر دیتے ہیں تو اللہ تعالیٰ انھیں ان کی تکلیفوں اذیتوں اور قربانیوں کے بدلے میں ایسا بہترین صلہ عطا فرماتا ہے کہ انسان ساری زندگی اس کے احسان کی شکر گزاری میں گزار دیتا ہے پھر جتنی بڑی قربانی اتنا ہی بہترین صلہ کیونکہ اللہ تعالیٰ اپنے اوپر کوئی احسان نہیں رکھتا بلآخر کندن بننے کے لیے جلنا تو پڑتا ہے نا انسان کچھ اور سوچ رہا ہوتا ہے اس کے پلان اور ہوتے ہیں انسان کی سوچ ارادہ اور ترکیب کچھ اور کہتی ہے جب انسان کی ترکیب اور اللہ تعالیٰ کی ترکیب جدا ہو سمجھ جائیں جہاں آپ محنت کر رہے تھے وہ آپ کے لئے صحیح نہیں تھا
جان لو اللہ تعالیٰ کی ترکیب سب سے بہترین ہے
القرآن
حضرت علی علیہ السلام فرماتے ہیں
"میں نے اپنے ارادوں کی شکست سے اللہ کو پہچانا۔۔
پھر آپ بھی فکر نہ کریں ایک روشن صبح آپ کی منتظر ہے
کیونکہ فیصلہ ہو چکا ہے ہو سکتا ہے کہ ایک چیز تمھیں ناگوار گزرے اور وہی تمھارے لیے بہتر ہو اور ہو سکتا ہے کہ ایک چیز تمھیں پسند ہو اور وہی تمھارے لیے بری ہو اللہ جانتا ہے تم نہیں جانتے